سندات الأمانة بعد سقوط النظام

 سند الأمانة الو شقين بالمطالبة :

1- جزائياً : هي لما يرفض المسحوب عليه السند إنو يرد الأمانة و طبعاً بالقانون بتتحق الفعل لما تبعتله إنذار تطالبه بالأمانة إذا كانت لحين الطلب و يمتنع عن رد الأمانة ، هون بيكون أساء الأمانة و عقوبتا جنحة من شهرين إلى سنتين و غرامة .

المعنى إذا كان السند يلي معك كنت حاطط تاريخ استحقاق ف لحتى يصير تاريخ الاستحاق للمبلغ أو رافع دعوى مطالب بالسند فكمان هي راحت الحبس فيها بالعفو أو كنت موجه إنذار مطالبه بالأمانة و ما ردها فكمان هون راح العقوبة بالعفو .

2- مدنياً : بكل الحالات فيك ما تطلب حبسه تروح مباشرة عن طريق المحاكم المدنية تطالب بالمبلغ و تطلب حجز احتياطي ... الخ و بكل الحالات يلي ذكرتها فوق إذا كان راح الشق الجزائي للسند بسبب العفو فيك تطالب مدنياً و تحصل المبلغ .

الخلاصة المبلغ ما رح و ما بيروح إلا بالتقادم الطويل لسقوط الحق يعني 15 سنة إذا كان مثبت تاريخ السند

و ملاحظة أخيرة : في سند أمانة المطبوع يلي بتلاقي بالمكتبة بيقضي حاجة

و في سند بأتعابه بيجي تلت رباع الصفحة احترافي بيجي فيه كلشي بيحمي من تلاعب الطرف التاني و مماطلته بالمحكمة بقى انت و رأيك فيك تاخد شي أصلي و فيك تاخد شي عادي كلشي الو شي .

---

المحامي

حسام كريم الدين